Arrasate Euskaldun Dezagun (AED) elkarteak antolatutako 25. Jokin Zaitegi itzulpen sariketa Juan Mari Agirreurreta pasaitarrak irabazi du, epaimahaiak joan den zapatuan ebatsi zuenez.
Agirreurreta frantses irakaslea da eta Aretxabaletan bizi da aspaldian. Eta aurretik 'Victor Hugoren Kondenatu baten' azken eguna itzuli zuen (Elkar 2010).
5.000 euroko beka
Hamargarren urtez Elkar argitaletxearekin elkarlanean eta Kutxa Fundazioaren babesarekin antolatu du AEDk Arrasateko kultur gizon handia omentzen duen lehiaketa.
Oraingoan ere beka formatuan gauzatuko da saria eta honenbestez Agirreurretak 5.000 euroko laguntza jasoko du iraila bitartean Tomas Transtromer Nobel sari suediarraren poesia euskarara ekar-tzeko.
Durangoko Azokarako
Dena ondo bidean, 2012ko Durangoko azokarako kaleratuko du Elkar argitaletxeak Agirreurretaren lana.
Jokin Zaitegi itzulpen lehikataren 25. edizio honetako epaimahaia Joseba Ossak, Luigi Anselmik eta Santi Leonek osatu dute eta Agirreurretak aurkeztutako laginaren alde egiteko izan duen arrazoia izan da, Transtromerren estilo soilarekiko leiala izatea lortu duela.
