Gainontzeko bazterretan bezala Santa Ageda jai hotzak igaroko dituzte asteburu honetan Matxinbentan. Gaur dute egun handia bertako auzotarrek. Egunean zehar, hainbat ekitaldi antolatu dituzte, Azpeitiko txistulariak arduratuko dira goiz eresiaz, eguna jai giroan hasteko. Gero, 11:00etan, Meza Nagusia ospatuko dute. Bertan, Azpeitiko Parrokiako Abesbatzak, Pedro Illarramendiren gidaritzapean eta Mikel Arenas gaztea organoan, hainbat pieza abestuko ditu. Amaieran, ohi bezala, Eleizgarai maisuaren 'Loinaztar Martin Deunari' entzun ahal izango da.
Ilunpe pilota elkarteko kideek partiduak jokatuko dituzte jarraian eta ez da faltako urteroko artisau azoka ere. Arratsaldean, herri kirolen tartea izango da eta egun guztian Itzeder eta Joseba trikitilariak alaitu dute auzoa.
Atzo ekin zieten Santa Agedei matxinbentarrek.Egunean zehar,eta usadioari eutsiz, goizean goiz Loiolatik atera eta, egun osoan eskean ibili ostean, gero afaria egin zuten.
