Buruntzaldeko Udalek 2002an euskara egitasmoak elkarlanean bideratzea onetsi zutenetik hainbat izan dira herriko sektore ezberdinetako establezimenduen partehartzearekin egindako kanpainak eta 2010ean autoeskoletan gidabaimena euskaraz ateratzera eragiteko egitasmoa jarri zen abian. 2011 eta 2012an egitasmoaren sustapenarekin jarraitu dute.
Honen arira, duela egun batzuk Buruntzaldeko autoeskoletan 2011n gidabaimenaren atal teorikoa euskaraz atera dutenen artean zozketa egin zen eta bihar, otsailak 6, 11:30etan Kultur Etxean, emango zaio saria Astigarragako sarituari, hain zuzen, Otamendiko autoeskolan ikasitako Nahiara Gonzálezi.
