Arrate Plazaola Donostiako Onkologia Institutuko medikuak bularreko minbiziari aurrea hartzen laguntzeko hitzaldia emango du etzi, martitzena, arratsaldeko seietan Olaran etxean. Udalak bultzatutako ekitaldia da, herritar guztiei zuzendutakoa. Hainbat argibide eman eta zein neurri hartzea komeni den ere azalduko du Arrate Plazaolak.
Santa Ageda jaia
Galartza auzoak Santa Ageda ospatuko du gaur eguerdian izen bereko ermitan eta haren inguruan. Hamabi eta erdietan kanpai hotsa nagusituko da Txangalan eta suziriak jaurtiko dituzte. Meza geroagoa hasiko da, hamabi eta erdietan. Meza ostean, berriz, salda, ardoa eta banderillak eskainiko dizkiete auzokoek joaten direnei. Soinujolea eta panderojolea lagun izango dituzte.
Erakusketa
Armarri-sinbolo berrirako aurkeztu ziren proposamenak azkenengo egunez ikusgai egongo dira Olaranen gaur 18:30etik 20:30era.
