Urtero bezala, Kontxa Murgia omenduko dute gaur Udalak eta Daniel Castelao Fato Cultural Galegoko kideek. 2000. urtean hasi ziren Udala eta Trintxerpeko galiziarren elkartea Murgiaren jaiotze eguna (1807ko urtarrilaren 29an jaio zen) gogora ekartzen.
Manuel Martinez Galizako abertzaletasunaren aitzindari izan zenaren ama goratzeko, haren jaiotetxean (gaur egungo Manuel Lekuona biblioteka) omenaldia eta lore-eskaintza egingo zaio. Gaita-joleekin eta Oiartzungo Lartaungo txistularien presentziarekin apainduko da ekitaldia, eguerdiko 12:00etan. Une unkigarria gainera bere izena duen oroigarriaren ondoan burutuko da, Kultur Etxearen atarian.
Antolatzaileen hitzaldi labur batzuk ere entzun ahal izango dira kultur etxean bertan eta Galiziar eta Euskal ereserkiak abestuz bukatuko da ekitaldia. Ondoren, hamaiketakoa izango da bertaratzen direnentzat Udalaren eskutik.
