Azken egunetan izaten ari garen eguraldi makurrak laguntzen ez duen arren, gaur burutuko da Santa Eskearen beste edizio bat. Aurreikuspenek hotz handia iragartzen dute egun osorako, tenperatura maximoak ez baitira 2 gradu zero azpitik pasako. Hau gutxi ez balitz, prezipitazioak ere aurreikusten dira eta tenperatura horrekin, elur egoeran eroriko dira.
Kontextu honek, kutsu erromantiko handia emango die gaurko ekitaldiei eta horregatik, postal paregabeak ikusteko aukera ederra izango da.
Goizeko 8:30etan elkartuko dira Herriko Enparantzan koplariak eta ondoren, 3 taldetan banaturik Mendaro osoa zeharkatuko dute, Santa Agedaren omenezko koplak abestuz.
Trikitilariak ere lagun izango dituzte, giroa alaitu eta animoa erori ez dadin eta ondorioz, umore onean pasatuko dute eguna.
Lehendabizi baserri inguruetara joango dira eta eguerdi aldera hurbilduko dira herrira, poliki poliki, Aizpe gastronomi elkartean burutuko den bazkarira garaiz iristeko.
Ibilbide guzti hontan, ez dute alde batera utziko, Santa Eskearen ezaugarri esanguratsuenetako bat, diru bilketarena ain zuzen ere. Aurten batuko den dirua Aingeru Guardako ermita aurrean ipini den farola ordain-tzera zuzendua dago.
Argi hau urtarrilaren erdialdean ipini zen eta naiz eta auzolanean egin zen, gastu batzuk sortu zituen, materiala erosi egin behar izan bait ziren noski.
