Amenabar Zarautz eskubaloi taldeak denboraldi ezin hobea darama; lehenengo postuan, hirugarren sailkatuarekiko abantaila nabarmena daukala dirudi eta bide batez igoera fasea jokatzeko txartela nahiko eskura. Dena den, helburua gauzatzeko oraindik partidu batzuk irabazi beharra dago eta horietako bat gaur arratsaldean, 19:15etik aurrera Aritzbatalde kiroldegian jokatuko duena. Kantabriako Corrales de Buelna-ko taldea izango da gaur arerio. Azken partiduetako zarauztarren jokua ikusita, maila berdinean jokatzen badute, beste bi puntu lortuko dituzte.
Aurretik, Aiala Zarautz senior mailako bigarren taldeak jokatuko du, 17:30ean hasita Basauri-ren aurka. Adierazi, azkenik, Ohorezko Mailan dabiltzan Aialako neskek gaur Bizkaiara bidaiatzen dutela, Basurtora hain zuzen, bertako San Adrian-an taldearen aurka jokatzeko. Sailkapenean erreparatuz, partidu erraza dirudi gure neskentzat.
