Ia sei urtez itxita egion ostean ostegunean zabaldu zituzten berriz ere Aitzaga Elkarteko ateak. 2006ko otsailaren 11n Espainiako Auzitegi Nazionaleko Fernando Grande Marlaska epaileak fiskalaren eskaerari erantzunez Usurbilgo Aitzaga kultur elkartearen egoitza itxi zuen eta orduz geroztik sarreretako ateak katez lotuta izan dituzte.
Ostegunean bertanAitzagaren irekiera jakinarazten zuen autoaren berri izan zuten eta segituan 'ongi etorria' emateko erabakia hartu zuten.
Usurbildar ugari gerturatu zen Aitzaga Kultur Elkarteko atari aurrera. Hotzari eta elurrari aurre eginez bertan bildu zirenek trikitixa eta panderoaren doinuaz lagundurik giroa berotzen hasi ziren. Ongi etorria Aitzagari eskainitako hitz batzuekin hasi zen eta ondoren bertso pare bat entzuteko aukera ere izan zen Jarraian, Jexux Mari Errekondo, Aitzagako sortzaileetako bazkideak, sarrerako kateak kendu zituen.
