Santa Ageda eguna bihar izaki, gaur, bezperan, aterako dira Ohitura Zaharrak abesba-tzako kideak, santa eskean. Aurten gainera, urte berezia dute, 50 urte betetzen baitira aurreneko aldiz atera zirenetik.
Horregatik, dei egin diete herritarrei, orduko eta gaurko taldekideekin batera, herrian barrena kale buelta egitera. Hitzordua arratsaldeko 17:30etan izango da, Milagrosako kaperan.
Esan beharra dago, Santa Ageda bezperan Euskal Herriko herri eta hirietan barrena kantari irteteko ohitura ez dela gaur goizekoa. Euskal Herrian, Santa Agedaren inguruko hamaika elezahar edo kondaira topa daitezke gainera. Adibidez, gaurko gauean, hurrengo udan zehar izango zen ekaitz kopurua erabakitzen zen ustea zegoen. Herri askotan Santa eskean irteteko ohitura ez da berria, oso errotua dago, Hernanin adibidez.
