ATAUN. Herri Antzokian filmak emateko langile bat kontratatu asmotan da Udala. Langile honek derrigorrezkoa izango du 35 mm.an filmak montatu eta ematen jakitea, euskara jakitea eta asteburutan lan egin beharra. Interesatuok zuon izena udaletxean emateko azken eguna gaur urtarrilak 3a. Bestalde, Gazte-txokoa kudeatuko duen Haur Hezitzaile lanetan trebatua den langile bat ere kontrata-tzera doa udala. Interesa duenak izena eman dezala udal bulegoan otsailak 10a baino lehen. Baldin-tza plegua ere bertan izango du eskuragarri.
Santageda koplariak
Aurten ere Santageda koplariak kalez-kale eta baserriz-baserri ibiltzekoak dira bihar larunbata, otsailak 4, goiz eta arratsalde. Goizpartean, 9:30etan San Martingo plazan elkartuko dira eta arratsaldeko 16:00etan San Gregorioko plazan. Ekintza honen antolatzaile Ataungo Ezker Abertzalea da eta usadio zahar honetan parte har-tzera gonbidatzen ditu herritar guztiak.
Bi ikastaro berri
Udalak, Kutxa Ikasgelaren lagun-tzaz, datozen egunetan bi ikastaro berri martxa jarriko ditu. Bata Pilates ikastaroa eta bestea Kontserbak ontziratze eta izozte ikastaroa. Lehena, Pilates alegia, otsailaren 21ean hastekotan da, astean behin, asteartetan 18:00etatik 19:00etara. Iraupena 14 ordu eta ordaindu beharrekoa 44,00 euro.
Bigarren ikastaroa apirilean hasiko da, astean behin, asteartetan 18:00etatik 20:00etara. Iraupena 10 ordu eta ordaindu beharrekoa 50,00€. Ikastaro hauetan parte hartzeko izena eman otsailaren 6a baino lehen 902 54 00 40 telefonoan.
