Euskalandia hitzetan eta marrazkietan ikuskizunak an-tzerkia, musika, pintura, filosofia eta poesia uztartzen ditu. Euskal kultura ardatz hartuta, beste hainbat gai ere harilkatuko dira gaur arratsaldeko 19.30tan Garoa liburu-dendako ikuskizunean: maitasuna, boterea, politika eta esperantza, kasurako.
Bakotzak zeresana izango du, publikoaren parte-hartzeak ordenatzen baitu gidoia. Gidoia galderetan oinarrituta dago. Zenbait ikus-entzulek txistera batetik galdera bana aterako dute, eta Miriam Lukik galdera horiei erantzungo die, poemak errezitatuz eta ipuinak kontatuz. Bien bitartean, Concetta Probanzak zuzenean marraztuko du, eta marrazki horiek proiektore bidez pantaila batean ikusiko dira. Galdera bakoitzari abesti bat dagokio.
Beraz, gonbitea luzaturik gera-tzen da ikuskizun honetan parte hartzera.
