Zestoako Atletismo Taldeak, Zumaia, Aizarnazabal, Aizarna eta Zestoako Herri eskoletako benjmín adineko haurrekin I. Ateletismo Txapelketa antolatu du. Gaztetxo hauek, altuera, jabalina, 50 metro lasterka, pisua eta luzera probetan arituko dira, nor baino nor. Topaketa hau, bihar, larunbata, ospatuko da, goizeko 10.00etatik aurrera, eta amaieran sariak izango dira irabazleentzat.
Santa Ageda bezperan
Bihar Santa Eske Bezpera dela eta, gaur, arratsaldean zehar, Zestoako Ertxiña Musika Eskolako ikasleak kalera irtengo dira egun hau ospa-tzera. 17:00etan irtengo dira kultur etxetik eta kalejiran denak batera San Juan egoitzara joango dira. Bertan kopla batzuk abestu eta ondoren herritik bueltatxo bat emango dute, koplak abestuz.
Horrez gain, jakin, musika eskolako lau ikasle (Mireia Rodriguez, Ohiane Ibarguren, Amalur Alberdi eta Joana Iruretagoiena) Andoaingo piano jaialdian hartuko dutela parte asteburuan zehar.
Mus txapelketa Aizarnan
Gaur, gaueko 22.30ean, Aizarnako VI. Mus Txapelketa azkarra ospatuko da, Aranburu edo Ambu landetxean. Izen ematea 22:00etan irekiko dute, parte hartzaileak 30 euro ordaindu beharko dute eta sariak berriz honakoak izango dira: 1º, 700 euro , 2ºak 400 euro, 3ºak 300 euro eta 4ºak 100 euro. Sari hauez gain, parte hartzen dutenen artean bi txuleta eta bi ardo botila zozketatuko dira.
Gexalari omenaldia gaur
Gaur arratsaldean, 19:30etan hasita , 'Santa Ageda koplak Zestoan' DVD-aren aurkezpena egingo da Kultur Etxean. DVD honetan Jexux Izeta 'Koiote'k (super 8 formatuan) eta Jokin Orbegozok ateratako irudiak ikusi ahal izango ditugu.
Horrez gain, Santa Ageda taldekoek Luis Mendizabal 'Gexala'ri eskerrik zintzoena eskaintzeko asmoz omenaldi xume bat egingo diote ekitaldi berean.
