Santa Ageda bezperako kopla zaharrak bihar ilin-tzean entzungo dira Goizuetan. Duela hiru bat urte hasi ziren usadio honekin eta aurten ere kopla zaharrak abesteaz gain, trikitilarien laguntzarekin, Joxe Manuel Oiartzabal eta Josu Garmendia bertsolariekin aterako dira kalejiran herrian barna. Arratsaldeko 6etan patu dute hi-tzordua.
Iragarri dutenez, plazan, Txino auzoan eta taberna ingurutan abestuko dute. Bestalde, Umore Ona elkartean aurten ere afaria antolatu dute eskea bukatzerakoan. Dagoeneko txartelak salgai daude Amaia kafetegian. Baserritarraz jantzita makila eskuan dutela aterako dira ohitura zaharra jarraituz abestera.
Kalderero hilaren 18an
Kaldereroen desfilea ere egitekoa dute aurten goizuetarrek hilaren 18an. Kalejira prestazeko asmoz, entseguak egiteko eskolako jangela elkartuko dira hilaren 11n iluntzeko 7etan eskolako jangelan. Entseguak zabalik daude edonorentzat, behar den gauza bakarra, ongi pasatzeko gogoa da, zartagi eta kutxarakin batera.
Kalejira ondoren, afaria egingo dutela iragarri dute plazan, eta eguraldi txarra eginez gero, pilotalekun. Bakoitzak bere afaria eraman beharko du iaz bezala. Dagoeneko, Santa Ageda eta kaldereroen afarirako izena emateko aukera dago Amaia kafetegian.
