'Nik ere ondo bizi nahi dut Ibarran'. Lelo honekin, Quintina Sánchez eta Asun Jauregi hizlariek, Ordizian daramaten eredua, Ibarrara eta edozein herrira zabalduz, adimen urriko pertsonek ere herrian parte har dezaketela erakutsi zuten.
Adimen urriko pertsonei gara-tzen laguntzea da Ordiziako Garaguneko eginkizuna; zoriontsuak izaten laguntzea, beraien bizi kalitatea hobetzea herrian parte hartuz. Quintinak, Koldok, Manolok, Mirianek. eginkizun bat dute eta horregatik, besteen errekonozimendua, besteen begirada jasotzen dute eta horrek baliotsuak sentiarazten ditu.
Herritarren begirada aldatu behar da lehendabizi: dendan, tabernan, KZgunean, plazan. topaguneak sortu eta helduak bezala ikusten hasi. Beraiekin hitz egin, beren iri-tzia kontuan hartu, galdetu. Ez da zaila, erraza eta sinplea da, dendan galtzak erostean «gustatzen zaizkizu?» berari galdetu; «zergatik ematen diegu piruleta bat?» Beste helduekin bezala, harremanak egiten hasi.
Gero, adimen urriko pertsonek herrian rol bat izan behar dute. Horregatik, Herriak Elkar Lanean GKErekin harremanetan jarriz, bidezko merkataritzaren produktuak saltzen hasi ziren asteazkenero herriko plazan. Horrekin garrantzi-tsuak direla, gai direla erakutsi dute. Harreman sarea zabaltzen joan zen eta beste elkarte batzuekin ekin-tzak antolatu dituzte. Zergatik?, zertarako? Gizartean eginkizun bat izateko.
Adimen urriko pertsonak hiritarrak izatera iristen dira eta erabakiak hartzen diren tokietan daude. Udaleko partaidetza eta komunikazio batzordean ere parte hartzen dute. Euren iritzia ematen dute eta herria hobetzeko proposamenak egiten dituzte «kamioiak azkarregi ibiltzen dira herrian..»
Bitartean, harreman sarea handitzen doaz eta Ibarrara etorri ziren.
Programa para hoy
Hoy se ha organizado el kilómetro solidario con el pueblo saharaui de Tichla. Los alumnos de infantil, primaria y secundaria, junto con el Ayuntamiento de Ibarra tomarán parte en esta actividad, de 14.30 a 16.30 de la tarde.
