Zortziko kadetea Espainiako txapeldun geratu da Distantzia Luzean, asteburu honetan Madrilgo Buitrago de Lozoyan ospatu den txapelketan. Oriok bertara lau on-tzi aurkeztu zituen eta zortziko kadete mutilek urrezko domina eskuratu dute. Ontzia Julen San Sebastian, Mikel Arregi, Martxel Aldai, Aritz Hernandez, Xabat Mujika, Aitor Larraza, Aitor Idarreta eta Mikel Urangak osatu zuten, Eneko Elizondo lemazain zutelarik eta Aitor Atxega ordezko lemazaina.
Bestalde, skull lauko emakume kadeteak brontzearekin etorri dira etxera. Ontzian Itxaso Azkonobieta, Eider Zubelzu, Mireia Uranga eta Leire Begiristain ziren, eta Yera Arruti ordezko gisa.
Aipatu ere, zortziko jubenilak seigarren amaitu zuela eta postu berdinetan zortziko gizonezko absolutoak.
Traineruari dagokionez, Sestaon itxura polita erakutsi zuten oriotarrek, entrenamenduetan, lanean ondo dabiltzan seinale.
