Datorren hiruhileko honetan, Astigarragako AEK euskaltegiak Zilegi Eskolaren barruan zenbait saio gehiago antolatuko ditu. Gertuen daukan saioa eskulanak izenekoa da. Antolatzaileek azaldu dutenez, «10 argazkiz osaturiko kubo magikoa egingo dugu bertan eta Amaia Lasuen izango da gai-emailea».
Hiru eguneko eskolak antolatu dira hau egin ahal izateko eta goizez edota arratsaldez izango dira, goizetan 9:00etatik 11:00etara, otsailak 6, 8 eta 13an, eta arratsaldez, otsailak 6, 13 eta 20an, 16:00etatik 18:00etara. Herritarrentzat 15 euroko kostua izango du.
Bestetik, otsailetik aurrera Zilegi Eskola gehiago egiteko aukera egongo da, besteak beste, euskal dantzak, somatizazioa, arnasketak, erleek ez dute monarkia maite, baratza balkoian, lehen sorospenak eta ardo dastaketa.
Inskripzioak
Herritar nahiz ikasle berriak ere ekimenean parte hartzera gonbidatzen dituzte. Saioetan parte har-tzeko interesa badago, hernani@aek.org, astigarraga@aek.org edo zilegieskola@aek.org helbideetara idatzi edo 607 592864 eta 607 610687 zenbakietara deitu.
