Herrian Haur eta Lehen Hezkuntza (2tik 12 urtera) eskaintzen duen Iturzaeta Herri Eskolak zabalik du jada 2012-2013 ikasturterako matrikulazio epea, urtarrilaren 31tik otsailaren 7ra bitartean luzatuko dena.
Horretarako, eskolako idazkaritzara jo behar da honako ordutegi honetan: goizez 12:00etatik 13:00etara bitartean, eta arratsaldez, berriz, 16:00etatik 17:00etara.
Bertan aurkeztu beharreko dokumentazioa: ikasleari dagokion Familia Liburuko orriaren fotokopia, guraso edo tutoreari dagokion Familia Liburuko orriaren fotokopia, ikaslearen guraso edo tutoreen NAN (DNI) agiriaren fotokopia, banku edo kutxako kontuaren zenbakia (20 digitu) eta familia helidearen errolda agiria Udalak egina.
Ate irekiak larunbatean
Eskola ezagutu nahi duten guztiek horretarako aukera izango dute larunbat honetan, otsailak 4, goizeko 11:00etatik aurrera ate irekiak izango dituztelarik bertan. Irakasleak bertan izango direla azpimarratu dute Herri Eskolatik, gerturatzen diren gurasoei gelak, zerbitzuak eta abar erakusteko.
