Urola Garaiko Eskolako Agenda 21ek 'Elikadura jasangarria' lelopean bi hi-tzaldi antolatu ditu hilabete honetarako eta lehenengoa gaur arratsaldean aurrera eramango da Zumarragan. Antolatzaileek diotenez, jende artean kezka dago elikagaien kalitatea eta ekoizpen era dela eta. «Gardentasuna falta da: zaila da jakitea nondik datozen eta nola produzituta dauden egunero jaten ditugun elikagaiak. Genetikoki eraldatutako organismoak, intsek- tizidak, fungizidak, herbizidak, ongarri sintetikoak, hormonak eta botikak erabiltzen dira landare eta animalien ekoizpenean», diote.
Kalitate bereiziko elikagaien produkzioa (ekologikoa, artesanala, bertakoa, ea.) eta merkaturatzeko bide motzak bertako nekazaritza eta nekazal ingurunea indartzeko eta hobetzeko aukera bezala ikusten dira. Produktu fresko eta sasoikoen kon-tsumoaren sustapenarekin batera kultura gastronomikoa eta agro-biodibertsitatea (bertako elikagai barietateak.) errekuperatzea lortu daitekela diote aldi berean.
Eta honen guztiaren inguruan bi hitzaldi aurrera eramango dira gure baiaran. Esan bezala, lehenengoa gaur arratsaldean izango da Zumarragako Zelai Arizti Kultur Etxean, arratsaldeko 18:15etatik aurrera (75 minutuko iraupena izango du). 'Elikagai ekologikoen ekoizpena' izango du izenburu gisa eta hizlaria Jesus Calvillo izango da, Itsasmendikoi- Fraisoron irakasle eta Gaztenek Koordinatzailea Gipuzkoan.
