Gaur, goizeko 11:30etan hasita, udaletxeko Batzar Aretoan izango da Ataunikerrek antolatuta, Joxe Arratibelen lana gogora ekartzeko prestatu den ekitaldia. Saioa irekitzeko, berari buruz egindako bideo labur baten erakusketa egingo da eta mahai buru izango diren Aita Beneditarren ordezkariaren, Miel Anjel Elustondo editorearen eta Ataunikerreko ordezkariaren hitzaldi labur banakin osatuko da aurkezpen saioa. Jarraian etorriko dira herritar multzo batek egingo duen Joxe Arratibel zenak Ataunen, bere sorterrian, jasotako kontu eta kantu zahar polit batzuen irakurketa berexia. Saioak ez du ordubete edo orduterdi baino luzeago joko. Bertaratzeko gonbitea herritar orori luzatzen diote antolatzaileek.
Eskolako matrikulazioa
Joxemiel Barandiaran H.I.ak jakin arazten du, 2012-2013 ikasturterako (2010ean jaiotakoak) izen emate garaia iritsi dela. Matrikula epea, urtarrilaren 30etik otsailaren 10era. Aurkeztu beharreko agiriak: Familia liburua, guraso edo tutoren NAN, kontu korrentea eta errolda agiria. Izena ematea eskolako idazkaritzan egin behar da, 9:00etatik 16:00etara.
Udal bulegoan ordutegia
Urte berriarekin batera, udal bulegoetako lan ordutegia ere aldatu dute. Larunbatetan itxita egongo dira bulegoak eta horren ordez, astearte, asteazken eta ostegunetan arratsaldez zabalik 17:00etatik 19:00etara.
