Gipuzkoako Eskuz Binakako Txapelketako lau neurketa jokatuko dituzte Intxurreko pilotariek gaur 19:00etan Alegiako Elorri pilotalekuan. Laurak infantilen mailakoak izango dira, eta aurkariak, hiru partidetan Goierri pilota eskola, eta laugarrenean, Gailurrerantz. Ordu berean Ikaztegietan beste hiru neurketa jokatuko dituzte Intxurrekoek, batean Gailurrerantz izango dute aurkari; gainontzeko bietan, Tartaloetxe. Gaurko azken partida Elgoibarren jokatuko dute Intxurreko pilotariek: jubenilen mailako bikote batek Lagunaken aurka jokatuko du Udaberri Txapelketaren baitan 21:15ean.
Bihar goizean Ikaztegietan izango dute hitzordua. Nagusien mailako bi bikote Hernaniren eta Ilunperen aurka ariko dira 11:00etan. 16:00etan Altzon jokatuko du infantilen mailako bikote batek Txapagainen aurka. Amaitzeko, Intxurreko Larreak EH Kluben Arteko Txapelketako neurketa jokatuko du Huarten (Nafarroa) 12:00etan.
