Asteburu interesgarria datorkigu Aian, nobedade aipagarriekin gainera. Horretarako udala eta herriko zenbait elkarte elkar lanean jardun dira, denon gustoko egitaraua prestatu asmoz. Eta hasteko, gaur arratsaldean, lehen aldiz, pintxo poteoa izango da Aiako tabernetan, herrian giro pixka bat sortzeko ideiarekin, inguruko beste herri batzutan egiten ari diren bezala. Arruti, Jauregi, Kanoa, Iturriozena eta Haizeberri tabernek hartuko dute parte ekimenean, euro eta erdian pintxo bat eta ardo edo zurito bat hartzeko aukerarekin arratsaldeko 19.00etatik 21.00etara bitartean. Plaza ingurura biltzen zaretenok toka apunteria neurtzeko aukera ere eskeiniko zaizue, 'Xatur' gaztelekukoek toka jarriko baitute bertan
Larunbatetik igandera pasatuz, bihar, goizeko 11.00ak inguruan hasiko da festa. Alde batetik, herri kirolak izango dira Aiako probalekuan eta zehazki eta ekitaldi garrantzitsuena, duela 25 urtetik mugitu gabeko 3.650 kg-tako harriarekin, alde batetik, hiru idi, eta bestetik lau idi jardungo dute nork plaza gehiena egin. Ez da ekitaldi makala izango batetik Lopategi bizkaitarraren hiru idiak eta bestetik Errenderiako Irarretaren lau idien artekoa.
Idi apustu honekin batera, herriko produktore eta beste euskal produktuen azoka txiki bat egingo da plaza inguruan, bisitariek bertako produktuak ezagutu ditzaten eta aldi berean sentsibilizatu daitezen gure nekazariek egiten duten lanetaz.
Baita ere, 2012ko txakoli berria probatzeko moduan izango dira bertaratzen diren guztiak, aste honetan bertan San Antonetan, Getarian aurkeztu berri den txakoli berria dastatzeko aukera. Ea eguraldiak laguntzen duen....
