Azkoitiko Xabier Munibe haurreskolak urteroko usadioari jarraituz, 2011/12 ikasturteko lehen hitzaldia antolatu du, 'Lau hanketan eta oinez ibiltzen, erakutsi edo ikasi?' izenburupean.
Hizlaria Psikopedagogian lizentziatua dagoen Nerea Mendizabal izango da.
Haur bakoitzaren psikomotrizitate madurazio erritmoa errespetatzearen garrantziaz ohartuz, nola lagundu dezakegu haur batek lau hanketan egin dezan? Eta bere momentua iristen denean, oinez nola ikasten du erakutsi gabe?
Galdera hauek abiapuntutzat hartuta, hitzaldi honetan hausnarketa eta eztabaida bultzatu nahi dute antolatzaileek.
Azkoitiko haurreskolak gurasoei informazio zabala eta aberatsa eskaintzeko asmoz, ikasturtean zehar zenbait hitzaldi interesgarri antolatzen ditu. Hi-tzaldi hauek gurasoen kezkak argitzeko balio dute eta bide batez, beraiek dakiten horren osagarri dira.
Interesatzen zaion orori
Gaur arratsaldeko hitzaldi hau, gaia interesatzen zaion orori zuzendua dago. Beraz, haurreskolako gurasoak ez direnei ere luzatzen zaie gonbitea.
Hitzordua Azkoitiko haurreskolan izango da, gaur asteartea, arratsaldeko 18:00etatik aurrera.
