Urtero bezala, Jazinto Isastik zuzentzen duen Getariako Abesbatzak kontzertua eskainiko du aurten ere 'Azaroa Musikaz Blai'ko egitarauaren barne, musikarien zaintzaria den Xixili Donearen omenez, kontzertua bihar eguerdiko 12:30etan izango delarik, oraingoan paregabeko eszenatoki batean: Cristobal Balenciaga Museoan. Sarrera, beti bezala, doan izango da kasu honetan ere, Getariako Abesbatza osatzen duten herritarren ahotsez gozatzeko.
Bihar eskainiko duten egitaraua: 'Aita Gurea' (Madina). 'La nuit' (Rameau), 'Signore delle cime' (G. De Marzi), 'Ama' (A. Lesbordes), 'Carta a la madre' (Damboriena), ' Nerea izango zen' (Javi Busto), 'Blancas como palomas' (L. de Aranburu), 'Goizean argi hastean' (Arm. Blas Sanchez) eta 'Goizeko Izarra'.
Txitulariak datorren jaian
Datorren igandean, berriz, abenduaren 4ean, Gazte Alaiak Txistulari taldearen emanaldiak emango dio amaiera aurtengo 'Azaroa Musikaz Blai'ko egitarauari, kontzertua 12:30etan izanik Salbatore Deunaren elizan.
