San Nikolas festak antola-tzeko bilera batzuk jadanik egin dira eta urteetako ohiturak eta proposamen berriak tartekatuko ditu aurtengo egitarauak. San Nikolas bezperan, festak indartsu hasteko txupinazoan, danborradan aterako dira herritarrak. Udalak herriko elkarteak parte hartzera deitu ditu, txupinazoa edertu asmoz. Besteak beste, San Nikolas martxa, Orioko ereserkia eta balearena prestatuko ditu Orioko Musika eskolako bandak eta txarangak. Bertan, Salatxo abesbatzak eta Harribil dantza taldeak hartuko dute parte.
Danborradarako lehen entsaioa gaur bertan egingo da, arratsaldeko zortzietan kultur etxean. Ondorengo entsaioetako egunak: azaroak 29a eta abenduaren 1 eta 3a. Elkarte bakoitzak 20ren bat kideetako taldea osatzen saiatu behar du. Izena emateko ez da elkarteko bazkide edo kide izan behar, kide edo bazkideen lagunak ere izena eman dezakete. Animatu beraz parte hartzera.
Gaueko bederatziak aldera, herrian buelta bat emanda, zutikako otordu arina izango da plazan, parte-hartzaile guztiak eta herria bertan dela. Gauean, 'Haiek garaiak festa': Txirla, Errusta- Koasta eta Gaztetxeko giroa gogoratuko da plazan, propio prestatutako festan.
