Dagoeneko Gure Txeru Elkarteak urtero Gabonetan zozketatzen duen otarraren boletoak salgai jarri ditu ohiko saltokietan eta herriko kaleetan ere boluntarioen bitartez, elkarteak martxan jarraitu ahal izateko laguntza gisa. Boleto bakoitzak 0,5 euro (50 zentimo) balio du eta hiru zenbaki desberdinez osatua dago. Gabonetako otar eder bat zozketatzen du Txeruk, boleto irabazleak Gabonetako loteriaren lehen sariarekin bat etorri behar duelarik.
Elkartea martxan mantentzeko laguntza izaten da boleto hauekin lortutako dirua, beraz, animatu eta erosi Txeruko boletoak.
Bazkide kuota berritua
Bestalde bazkideek urtean behin ordaintzen duten kuota ere berritua izan da. Urte guztiko kuota berria 15 eurokoa da. Hileko 0,20 euroko igoera suposatzen du honek; hau da lehengo 12,5 euroetatik 15 euroko urteko kuota bakarrera pasatzen da (hilean 1,25 euro). Bazkide izatearen abantailak, Gure Txeru elkarteari bere ekintzak aurrera eramateko beharrezkoa duen diru laguntza emateaz gain, honek antolatzen dituen ekintzetan beherapenak izaten dituztela bazkideek (autobusak, bazkariak, ikastaroak, irteerak, lehentasuna izena ematerakoan...). Beraz, animatu eta oraindik bazkide ez bazara eskatu informazioa posta elektronikoaren bidez guretxeru@euskalnet.net helbidera zuzenduz.
