Benetan apustu ikusgarriaz gozatu ahal izan zuten astelehen gauean Azkoitiko probalekura hurbildu zirenak.
Bertan, Ixidro Erreregia eta Urtiaren arteko idi apustu egin zen eta irabazlearentzat 2.000 euro zeuden jokoan.
Uztarri biak azkoitiarrak ziren aspaldiko partez eta 1800kg-ko 'Ipintza' harriarekin egin zen Gipuzkoako Herri Kirol Federazioak kontrolatutako proba.
1.100 Kilotik gora, kilo bakoitzeko 1.5 kiloko gainkarga zuten eta lehenengo Ixidro Erretegiaran uztarriak jokatu zuen proba, beronek 58.5kg ko gain kargarekin jokatu zuen eta beronen lana, 48 plaza 2 zinta 0´81metro izan ziren.
Ondoren Urtiak egin zuen bere lana, beronen gain karga 105kg koa izan zuen eta Ixidron lana 25 segundotan hobetu zuen.
Jende ugari azaldu zen astelehen gaueko apustua ikustera eta bertaratu zirenak ziotenez, azkenean «cara cruz»era erabaki zen apustua. Antzeko mailako uztarriak zirenaritu zirenak eta bigarren postuan aritu zenak «bentaja» omen zuen.
Dena den, errebantxa hitza ere entzun ahal izan zen harmailetan eta behar bada San Andres jaietan izango da egitekotan.
