Haitz Lehor guraso elkarteak, Laiotz herri eskolak eta Segurako Udalak, orain dela 6 urte, haurrentzat zaintza zerbitzua jarri zuen martxan. Urte hauetan eman den ordutegia goizeko 7:30tatik 9:30ak bitartekoa izan da. Bi arduradunek eramaten dute aurrera zaintza zerbitzu hau.
Arduradun hauen ordezkapena eta hurrengo urtetako arduradun beharrei aurre egiteko lan-poltsa bat egitea pentsatu da Segurako Herri Eskolan oraingo honetan.
Baldintzak
Lan-poltsa honetako partaide izateko honako baldintza hauek bete behar dira: Segura, Zerain edo Mutilokoa izatea, 18 urtetik gorakoa, euskara eta erdara jakin behar du, autoa gidatzeko baimena eta autoaren disponibilitatea izan, deitutakoan ordezkapenak egiteko disponibilitatea eta ikasturte osorako konpromisoa hartu behar da.
Bestalde, goiko baldintzak betetzen dituzten interesatuek eskolan bertan eman dezakete izena datorren azaroaren 2a baino lehen.
