Udalak pegatinak banatu baditu ere, azkenean txartel bereziak beharko dituzte herritarrek ordaindu gabe portuan aparka-tzeko, hauek atzo hasi zirelarik banatzen portuko bulegoetan Salbamentoko egoitzako lehen solairuan), eta ez udal bulegoetan. Hala ere, programazio arazoak direla eta, atzo jaso zituztenek berriz pasa beharko dute bertatik txartelarekin, akatsa momentuan zuzentzeko. Portuan aparkatzeagatik kobratu, berriz, ostiraletik irailaren 18ra arte egingo da, bi ak barne.
Sistema berriaren instalazioa amaitzen ari dira, aurten barrera bidez, parking publikoetan bezala funtzionatuko duelarik, sartzerakoan txartela bilduz eta irten aurretik erabilitako denboragatik ordainduz. 9:00etatik 20:00etara bitartean izango da ordainketa epea (egun osoa ez da 10 eurora iristen), ordutegi horretatik kanpo txartela berdin jaso beharko delarik, baina ordaindu gabe. Herritarrek banatutako txartelarekin funtzionatuko dute barrera zabaltzeko, ordaindu beharrik gabe, txartelak matrikularen arabera pertsonalizatuta egonik (ezingo da, beraz, txartel hori beste kotxe batetarako erabili).
