Jakina denez, euskararen ezagutza eta erabilera askotan ez datoz bat. Hala gerta-tzen da era denda eta tabernetan baina udaletxeko euskara zerbi-tzuak distantzia hori murrizten darrai 'Euskara Hondarribiko Merkataritzara' kanpainarekin.
Egitasmo hau, Euskara Biziberritzeko Plan Nagusiaren barruan dago eta Siadeco enpresarekin bat egin du udalak euskararen erabileraren diagnosia egiteko.
Siadeco-ko Juanjo Allurrek dioenez, «orain aurkezten duguna jarraipen bat da. Euskararen normalizazio bidean, euskara indartzeko eta bizirik mantentzeko, jakin eta erabili egin behar da. Eskolatik kanpo, harreman guztietan eta, nola ez, dendak eta tabernek berebiziko garrantzi dute presentzia hontan. Ostalaritza eta merkataritzak euskara behar dute eta euskara lagundu dezakete».
Azken bi urtetan, 319 establezimendutan inkestak egin ditu Siadecok. 2008 urtean 137 denda txikitan eta 60 zerbitzu establezimendutan eta 2009an 122 ostalaritza gunetan.
Inkesta hoien arauera, %68a nahiko edo oso gustora dago udalak euskararen alde egiten dituen ekintzekin. %8a ez da konforme eta azkenik %25ak ez dauka eritzi finko bat.
2009ko datuak aurrean jarrita, Hondarribiako ostalaritzan lan egiten duen %48a euskalduna da eta %10a, erdi euskalduna. Merkatari-tzan aldiz %61,5a euskalduna da.
Dirulaguntzak
Allurren hitzetan, «euskararen presentzia haundiagoa bilatu nahi dugu Hondarribiako merkataritza eta ostalaritzan». Udaletxeak eta merkatariek sinatuko akordioari esker, errotuloak jartzeko, web horrietan laguntzeko, menuak erakusteko e.a. udalak dirulaguntzak prest ditu eskatzen duten denden-tzat. Berez, kanpaina hurrengo astetan burutuko da, baina kanpainatik kanpo ere, urteko edozein momentuan, euskara zerbitzuan aholkularitza eskatu daiteke.
