Elkar etxeak bi liburu berri aurkeztu zituen atzo, zor-tzi urtetik gorako 'Xaguxar' bildumakoak: Eneko Bidegainen 'Zorionak, Marko' eta Antton Kazabonen 'Letrak elurretan'. Batak Marko Armspach-en marrazkiak ditu, besteak Jokin Larrearenak.
Hona hemen 'Zorionak, Marko'-ko istorioa: karramarro gazte eta bihuirri bat da Marko, bere lagun Oskar maskordunarekin eta Txarli txirlarekin hainbat abentura biziko dituena. Itsasoa jolasleku ederrez beterik baitago, baina kasu!, kontuz ibili behar bi hankadun izaki beldurgarriekin.
Eneko Bidegain (Baiona, 1975) idazle oparoa da, baina hauxe du haurrendako lehenengo liburua.
'Letrak elurretan' honela laburbildu daiteke: Denis aitonarekin bizi da mendian, gustura asko gainera. Baina aitonak badu kezka bat: Denis ez da eskolara joatean, baserritik urruti baitago. Edurne lehengusina baserrira azalduko da, Denisi letrak irakurtzen ikasteko.
Antton Kazabon (Oiartzun, 1954) lanbidez irakaslea da, eta ume eta gaztetxoentzako hainbat libururen egilea.
