Berastegin orain arte, batik bat hirigunea dago argiztatuta. Hortik kanpo ere, badaude argi batzuk, baina orokorrean norberak jarriak. Hala ere, Udala, pixkanaka, herrian argiak jartzeko asmoz dabil. Horretarako, energia inturri berriak aztertzeko lanean ari da. Duela hilabete pare bat eguzki energiak baliatzen diren, zazpi farola jarri zituzten izotzalde auzoan. Besteak beste, neguko egun motzetan, nahiko energia pilatzeko gai diren ikusi nahi zuten, herriko alde hau ez baita eguzkitsuenetarikoa, hala ere, badirudi ondo doazela. Egunean sei ordutan argia emateko programatuak daude, ilunabarrean 12ak arte eta goizaldean, seietatik aurrera. Farolak berez nahiko garestiak diren arren, badirudi instalazioa erreza dutela. Esan bezala, Udalaren asmoa, herriko beste auzoak ere argiztatzen jarraitzea da.
Egun pasa Gaztainondotik
Berriro ere egun pasa polita antolatu dute Gaztañondo Jubilatuen Elkartetik apirilaren 15erako. Egun horretan, Hondarribi, San Juan de Luz eta Hendaia bisitatuko dituzte eguerdiartean, Bazkaria, Oiar-tzungo Gurutze Berri jatetxean egingo dute.
Ibilaldiaren kostua, 32 eurokoa izango da bazkideentzat eta 35 gainontzekoentzat. Antolatzaileek gogorarazten dute, azken egunak direla izena eman ahal izateko.
