Ihoteen azken egunean ere festa nagusi

LEITZA ELISA BELAUNTZARANLEITZA.
Leitzako txistulariak dotore jantzita, 'frak' eta guzti, Irupagoetan egonaldi eder bat egin eta gero Aliñera abiatu ziren. Atzetik eskelariak./
Leitzako txistulariak dotore jantzita, 'frak' eta guzti, Irupagoetan egonaldi eder bat egin eta gero Aliñera abiatu ziren. Atzetik eskelariak.

Atzo eguzkitsua izan zen Leitzaldean, baina hotza. Hala ere, goizeko 9:30ean prest zeuden eskelariak Aurrera kultur elkarte inguruan Arkiskil, Sakulu eta Gorriztaran auzoetara joateko prest. Plazan elkartutako lagunak ehun bat izango ziren eskera joateko, txistulariak, txaranga, trikitilariak lagun zituztela. Piskanaka, gainera, gero eta gehiago ziren esnatu eta goiztiarrengana hurbiltzen zirenak erronda egiteko asmoz. Hauen artean, Igualadatik etorritako lagunak. Arratsaldeanr berriz, herrian izan zen zer ikusi eta zer dantzatu. Izan ere, Guraso elkarteak antolatuta umeak kalejiran atera ziren atsauretuta.

Gaur, ihoteen azken egunean, goizeko 9:30ean joango dira eskelariak Erasote auzora. 11:30ean zinean Txan magoaren emanaldia izango da eta 14:30ean eskelarien bazkaria Aurreran. 16:00etan berriz, puzgarriak Amazabal pilotalekuan. 18:30ean Leitzako atsauren kalejira egingo da eta 19:30 eta 23:30etan Gaubela plazan.

Contenido Patrocinado

Fotos

Vídeos