Eusko Ikaskuntzak 2010eko Manuel Lekuona Saria José Antonio Arana Martijari (Gernika, 1931) ematea erabaki du, mende erdi luzean zehar euskal kultura garatzen egindako lanagatik.
Euskaltzain osoa da 1988tik, baina askoz lehenago hasi zen akademiarekin kolaboratzen. 1978an hasi zen hango liburuzain. Lan handia egin du dokumentalista eta bibliografo gisa, katalogo, kantutegi eta bestelako bilduma garrantzitsuak sortuz.
Resurreccion Maria Azkueren miresletzat dauka bere burua. «Azkuek denetik egin zuen: musika, hizkuntza, kultura...», adierazi zion 'Argia' aldizkariari.
Eusko Ikaskuntzako kidea da eta horko Musika Saileko presidente izan zen 1987 eta 1990 artean. Real Sociedad Bascongada de Amigos del País eta Eusko Ikasketen Institutu Amerikarreko kide ere bada.
Frankismo garaian bi aldiz izan zen kartzelan. Demokrazia iristearekin, Gernikako zinegotzi eta Bizkaiko Batzar Nagusietarako batzarkide aukeratu zuten. Azken urteotan ebakuntza bat baino gehiago egin diote eta osasun ahuleko dabil.
