Getariako Abesbatzak eta Gazte Alaiak txistulari taldeak ere Xixili Donea ospatuko dute asteburu honetan, lehenak meza abestuarekin bihar goizeko 11:00etan, eta bigarrenek goiz eresi eta emanaldiarekin eguerdian elizan.
Gazte Alaiak txistulari taldeak, bere aldetik, goiz eresiarekin hasiko du eguna, goizeko 9:30etatik aurrera herriko kaleetatik zehar, Bonifacio Laskurainen doinuarekin. Ondoren, eguerdiko 12:30etan (meza nagusiaren ostean) kontzertua eskainiko dute elizan, egitarau zabalarekin. Taldea osatuz, 12 lagun, 1. txitu (4), 2. txistu (3), silbote (2) eta atabalari (3) artean.
Gaur Alaia abesbatza elizan
Bestalde, ONCE-ko Alaia abesbatzak emanaldia eskainiko du gaur, arratsaldeko 20:00etatik aurrera Getariako Salbatore Deunaren elizan, 'Azaroa Musikaz Blai'eko egitarauaren barne.
