Nahiz eta herriko jaiak ofizialki bihar hasi, gaur arratsalderako herri kirol apustua antolatu dute herriko gazte batzuk, Udalaren laguntzarekin. Bertan, zegamarrak gabiriarren aurka neurtuko dituzte indarrak. Egin beharreko lanak,lau itzulitara izango dira eta bost kirol ezberdin izango dira: aizkoran, korrikan, koskol biltzen, trontzan eta txingatan.Ordua, arratsaldeko 18:30ean eta sarrera doan izango da.
Koadrilen eguna
Bihar koadrilen eguna izango dugu. 9:30etan: herritarren arteko txirrindu probak (7 urtetik beherakoak; 7,8 eta 9 urtekoak; 10 eta 11 urtekoak; 12 eta 13 urtekoak; 14 urtetik gorakoak XL. Apeaderora Igoera Jabier Berasategiren Omenez XIII.a (herrigunean tarteko helmuga ezarriko da eta saria izango du) 11:30ean: Koadrilak disfrazaturik plazan biltzea, Bonberenea txarangarekin.
Eguerdiko 12:00etan: Festen hasierako Belearen jaitsiera kanpai-jotze eta suziriekin.
14:00etan: Elizondo Plazan Koadrilen bazkaria. Talde bakoitzak bere bazkaria ekarri beharko du. Ardorik ere izango da bazkariaren lagungarri. Talde bakoitzak bere mahaia jaso beharko du. Bazkariaren ondoren koadrilen arteko I. Olinpiadak Elizondo Plazan.
17:00etan: bezpera nagusiak San Bartolome Ermitan. Ondoren, herritarrentzat bolo-jokoa, hasiera herriko agintariek emango diotelarik. Ondoren haurrentzat bola txapelketa.
18:00etan: XXXIII. Zegamako futbito txapelketako finala Shalky 07 eta Tripirekin, eta sari banaketa. 19:30ean: Buruhandi eta erraldoien kalejira Bonberena Txarangarekin. 20:15ean: Disfrazen sari banaketa. 21:00etatik 22:00etara eta 00:00etatik 03:00etara: Diskojiran erromeria herriko plazan.
