Iaz eratutako Euskal Bateleroen Elkarteak antolatuta, Getariako Udala, Itsas-egurra Haizean eta Getariako Arraun Elkartearen laguntzarekin, Batelero Eguna ospatu zen atzo Getarian, ostiral arratsean eta atzo goizean bertan Gipuzkoa, Bizkaia eta Iparraldeko txoko ezberdinetatik etorritako 15 batelek eta txalupa handi batek parte hartu zutelarik honetan, lagun giro ederrean beren ontziekin itsas ibilalditxoa egin, lagun giroan egun eta bazkari ederraz gozatu (Udalak eskainita Berdura Plazan) eta bide batez moila zaharrean ontzien erakusketa eskainiz.
Izan ere, Batelero Elkartea 2009an eratu zen behinolako ontziak berreskuratu, biziberritu eta erabiltzeko helburuz, atzo Getarian eginikoa Batelero Eguneko bigarren topaldia izanik (lehena iaz Bermeon). Bilkura ibiltaria eta irekia hau, elkartekoez gain Euskal Herri osoko bateleroak ezagutu eta topaldira erakartzea bilatzen duena. Hala ere, ez da hau Euskal Bateleroen elkartekoek parte hartzen duten batelen bilkura bakarra, aurten ekaina bukaeran Getxoko Itsas Astean ere izan zirelarik, eta uztailean ere (iragan astean), Bretañan izan ditugularik beste 600 ontzirekin batera.
