Asteburu honetan jokatuko dira finalerdiak eta finala lazkaoko pilotalekuan . Lau bikote indartsu dira parez parez eta edozeinek lor dezake txapela . Neurketak larunbat goizean hasiko dira 11:30 tan aurreko urteko txapeldunak ( Aierdi Andonegi) aurrean izango dituzte Juanena eta Arregi . Juanenak Garrido ordezkatuko du azkenean, honek partida itzela egin eta Benito Moxori irabazi ondoren lesioa izan bait du , azken tantoak lesionaturik jokatu zituelarik . Atzean Arregik forman dagoela erakutsi du eta bikote sendoa osatuko dute Juanena errematatzaile bikaina bait da eta erritmo asko jartzen bait dio partidari.
Txapeldunek ziur ez dutela beraien txapela merke salduko eta ziur gauza zail jarriko dizkietela . Bigarren partida ere oso erakargarria da , alde bietan txapelketa hau irabazitako bikoteak bait daude . Berasategi eta Aizpuruk defentsa ona eta inspirazio askoko erasoko jokoa dute . Aurrean bi jotzaile izango dira Otermin eta Eizmendik ahala ikaragarria dute eta aurten errematatzen iaioa dela ere erakutsi du beraz arrisku handiko bikotea da . Ezin da beraz partiden irabazleerik lehenetsi , aurreko urtean bezala igandean zeinek jokatuko duen hirugarren eta laugarren postuak eta zeinek finala ezin aurreratu .
Igandean bada hirugarren postua erabakitzeko partida 12:00 tan hasiko da eta final handia 13:00 tak aldera . Beti bezala sari bereziak izango dira txorizo ,xolomo ,urdaiazpikoak eta txapelak , baita jokalari onenarentzako saria , atzelari onena etab.
