Zazpi Iturrik nagusi dela erakutsi zuen Beotibarren

Euskal Herriko kluben arteko torneoko finalean parte hartu zuten Irurtzun eta Zazpi Iturriko ordezkariak. /
Euskal Herriko kluben arteko torneoko finalean parte hartu zuten Irurtzun eta Zazpi Iturriko ordezkariak.

DV AMEZKETA.

Tolosako Beotibar pilotalekuan jokatu zen igande arratsaldean Euskal Herriko kluben arteko IV. Torneo Nazionalaren finala.

Pilota jaialdi bikaina ikusi ahal izan zen eta hiru partiden ostean, Zazpi Iturri 2-1 nagusitu zitzaion Irurtzuni. Lau t'erdian Ongay, 18 Zubiria, 8 izan zen emaitza; banakakoan Ioritz Egiguren, 18 Olano, 11; eta bikoteka, Peru Labaka eta Aizpuru, 22 Olazabal eta Bergera, 14.

Pelotazaleen Elkartea hitzordu honetaz baliatu zen Tomas Ezkurra Barberena (Zugarralde), Serafin Ibarra Luzar (Markina), Segundo Alkorta Oliden (Getaria) eta Maria Jesus Fernandez de Landa (Adurza) omentzeko.

Jokin Altuna eta Juan Martinez de Irujo pilotariek eman zizkieten oroigarri bana.

Contenido Patrocinado

Fotos

Vídeos