Zaintzaileentzat ikastaroa eskainiko du Maitane Fernandinok

NÚÑEZ BIDANIA-GOIATZ.

Saiaz Mankomunitateak adineko pertsonen zaintzaileentzat ikastaro berezia antolatu du datorren azaroaren 6, 8 eta 13 egunetarako. Oraingoan buruko nahasmenak dituzten adinekoak zaintzeak dituen berezitasunak aztertuko dira, baita kasu ezberdinei nola aurre egin ere. Ikastaroa doakoa izango da eta arratsaldeko 17:00etatik 20:00etara emango da Bidania-Goiatzko balio anitzeko gelan. Lahar Elkarteko Maitane Fernandino psikologoak eskainiko du ikastaroa, euskaraz eta gaztelaniaz. Parte hartu nahi dutenek urriaren 30era arte dute izena emateko, 943681128 telefono zenbakira deituz edota beren datuak saiaz@saiaz.eus helbide elektronikora bidaliz.

Fotos

Vídeos