Urte zaharreko krosa arrakastatsua

Krosaren ondoren irabazleek euren sariak jaso zituzten.
/LABAIEN
Krosaren ondoren irabazleek euren sariak jaso zituzten. / LABAIEN

LABAIEN BERASTEGI.

Urte zahar eguneko krosa, euria goian behean zela egin bazen ere, arrakastatsua suertatu zela esan daiteke. 120 korrikarik hartu zuten parte, hiru adin tarteetan banatuta. Lehenengo, txikienei eman zitzaien irteera, 6 urte artekoei, 12 neska mutil izan ziren abiapuntuan eta esan behar da arazorik gabe amaitu zutela denek 650 metrotako ibilbidea. Ondoren 12 urte artekoek hartu zuten txanda, eta 1250 metro egin beharrak. Nesketan, Aiara Agirrezabala izan zen lehena helmugara iristen, ondoren, Barbara Isturitz eta Alaitz Esnaola. Mutiletan, Urko Vidal, Gorka Esnaola eta Martin Zubillaga izan ziren lehenak hurrenez hurren. Helduetan, 5 kilometro zituzten egin beharrak. Gizonezkotan Axier Matxineak egin zuen denborarik onena 16:23tan hain zuzen. Ondoren Jon Azpiroz eta Eneko Arrospide. Emakumezkotan, Arantxa Atxukarro izan zen lehena, Irati Rekondo bigarrena eta Irati Ugartemendia hirugarrena. Senior mailan, Jon Zubillaga eta Arantxa Atxukarro izan ziren saria jaso zutenak. Eta talderik onena, Jabier Malkorra, Arantxa Atxukarro eta Iker Saizarrek osatutakoa izan zen.

Contenido Patrocinado

Fotos

Vídeos