Txintxarri Eguna izango dute abesbatzek datorren larunbatean

Iazko Txintxarri Egunean Txintxarri abesbatza kantuan. / T. GOMEZ
Iazko Txintxarri Egunean Txintxarri abesbatza kantuan. / T. GOMEZ

Azken urteetan bezala kontzertua eskainiko dute arratsaldean Txintxarri eta Txintxarri Txiki abesbatzek herriko elizan

GOIKOETXEA ALEGIA.

Datorren larunbatean, hilak 21 dituela, Txintxarri Eguna ospatuko dute Alegiako Txintxarri eta Txintxarri Txiki abesbatzek, eta azken urteetan egin bezala, kontzertua eskainiko dute iluntzean (19:45) Alegiako elizan.

Txalapartariek emango diote hasiera emanaldiari: Hernani Musika Eskolako Asier Ansa eta Irati García txalapartariek 'Agurra' eskainiko dute.

Txikiek, lau kanta

Jarraian, Txintxarri Txiki abesbatzako gaztetxoak irtengo dira jendaurrera eta lau kantu eskainiko dituzte Garbiñe Orbegozoren zuzendaritzapean: 'Sesere eeye', Ozeaniako Torres Strait uharteetako abesti herrikoia; Kevin Stannard musikari britainiarraren 'Non dira?'; Josu Elberdin pasaiatarraren 'Alami (sea dance)'; Jim Papoulis amerikarraren 'Kusimama'.

Gaztetxoen emanaldiaren ostean Iosune Marin gitarra-jotzaileak Eduardo Martinen 'Mirándote' obra eskainiko dute, eta harekin batera abestuko du bere lehenengo abestia Txintxarri abesbatzak: Pablo Sorozabalen 'Baialdakizu maite?'.

Sorotan Bele eta Ken Zazpi

Horren ostean, Garbiñe Orbegozoren zuzendaritzapean honako egitaraua eskainiko du helduen abesbatzak: Sorozabalen beraren 'Euskaldun makilla'; Sorotan Beleko kide izan zen eta 2008an zendu zen Mikel Errazkinen 'Lehenengo geltokian', Josu Elberdinek moldatua; Venezuelako doinu herrikoia den 'Goza mi calipso'; Ken Zazpiren 'Itsasoa gara'; eta Josu Elberdinen 'Iaute iaute', txalapartariekin batera.

Fotos

Vídeos