Txintxarri Abesbatza Kultur Elkarteak urteko batzar nagusia egingo du bihar

GOIKOETXEA ALEGIA.

2017. urteari dagozkion ekitaldien errepasoa eginez hasiko da bihar, ostegunarekin, Txintxarri Abesbatza Kultur Elkarteak egingo duen urteko batzar nagusia. Iazko ekintzak aztertu, baloratu eta urte berrikoak prestatzen hasiko dira. 2017ari dagozkion diru kontuak onartuko dituzte segidan, eta aurtengoari dagozkion aurreikuspenak egingo dituzte. Horrez gain, 2018ari begira bi koruek burutu asmo dituzten ekintzak aurkeztuko dizkiete batzarrera gerturatzen diren bazkideei, eta elkarteko Zuzendaritza Batzordearen zati bat berritzea ere biharko ba-tzarreko gai-zerrendan ageri da.

Zuzendaritzak dei egiten die Txintxarri Abesbatza Kultur Elkarteko bazkide guztiei biharko batzarrera gertura daitezen: gaueko 21:00etan izango da hi-tzordua kultur etxeko areto nagusian.

Bestalde, norbaitek elkarteko bazkide egin nahi badu, abesba-tzako kideren batekin harremanetan jarri edota kultur etxeko postontzian eskaera utzi besterik ez duela ere gogorazi dute zuzendaritzatik.

Contenido Patrocinado

Fotos

Vídeos