Txalburu Kultur Astea antolatu da larunbatera bitartean

Aurkezpen ekitaldia. /  YARZA
Aurkezpen ekitaldia. / YARZA

YARZA ABALTZISKETA.

Lehen aldiz Txalburu Kultur Astea antolatu du Udalak urtero egiten den Txerri festaren inguruan. Ekitaldiak egunero izango dira 20:00etan, Jon Zubizarreta alkateak eta Felix Mayoz zinegotziak aurkeztu zutenez. Gainera, berrikuntza bezala 'Urteko Txalburua saria' banatuko da. Horretarako, herritarrek saria merezi duen 16 urtetik gorako herritar baten izena eman beharko dute. Bozkak gaurtik ostiralera bitartean eman beharko dira udaletxean eta gutxienez 50 bozka jaso beharko dira hautaketa balekoa izateko. Saria larunbateko Txerri festaren aurretik emango da.

Egitaraua atzo hasi zen Maider Zabalegi trikitilariarekin egin zen solasaldiarekin. Gaur bertso saioa egingo da eskualdeko bertsolariekin, Adur Gorostidi gai jartzaile lanetan egongo delarik, Goibegiko auditorioan. Bihar Ordiziako Emotion abesbatzak emanaldia eskainiko du Larraitzeko ermitan.

Larunbatean ohiko Txerri festa egingo da. Aurten txerri osoa erosi da Argaian eta burruntzian erreko da. Bazkaldu aurretik 'Urteko Txalburu saria' emango da eta, ondoren, Julio Soto eta Amaia Agirre bertsolariak izango dira.

Contenido Patrocinado

Fotos

Vídeos