Trikitixa eta herri kirolak jaiak agurtzeko

Goiatzko parte hartzailea ingudea altxatzen. / ARGAZKIAK NÚÑEZ
Goiatzko parte hartzailea ingudea altxatzen. / ARGAZKIAK NÚÑEZ

NÚÑEZ BIDANIA-GOIATZ

. San Bartolome jaiak amaierara iritsi dira giro ederrean. Ohitura den bezala, trikitixa jaialdia eskaini zuten Kristina Solanoren ikasleek. Herriko trikitilari gazteez gain, Zizurkilgo eta Berrobiko ikasleek ere parte hartu zuten. Gurasoek eta herritarrek gogoz txalotu zuten. Emanaldian ere parte hartu zuten, Solanoren eskariz, Irma Karrera eta Ane ikasle ohiak.

Era berean, arratsaldean kirola izan zen nagusi. Lehenengo Errezil eta Bidaniaren arteko desafio mistoa jokatu zen. Talde bakoitzak ergometroan 2,5 km, soka saltoan 100 salto, bizikletan bi itzuli eman zirkuituari eta korrika bost itzuli eman behar izan zituzten. Proba nahiko berdindua izan bazen ere, txirrindularitza proban abantaila hartu zuten herritarrek eta korrikan ere hala izan zen.

Ondoren, bidaniarren eta goiaztarren arteko herri kirol desafioa ospatu zen. Jon Irazu eta Joseba Otaegi aizkolariek eta Aimar Galarraga eta Joseba Ostolaza harri-jasotzaileek ere parte hartu zuten, saioaren aurretik erakustaldia eskaini zutenak. Honetan, Goiatz eta Uxue Galarragak ere parte hartu zuten. Segidan, bi herrien arteko saioa egin zen, aizkoran, harri-jasotzen, trontzan, ingudea, txinga, lokotxak biltzen eta korrika aritu ziren gazteak. Goiazko taldea izan zen garaile.

Temas

Jaiak

Fotos

Vídeos