Diario Vasco

Herritarren ekarpenak jaso zituen Aldundiak

Internetez ere egin daitezke ekarpenak, hilaren 14ra arte,
Internetez ere egin daitezke ekarpenak, hilaren 14ra arte, / GFA
  • Aurrekontu Irekien kanpainaren baitako karpa jarri zen larunbatean Triangelu plazan

Gipuzkoako Foru Aldundiak Tolosan aurkeztu zuen larunbatean, urriak 8, datorren urterako aurrekontuen prestaketarako abiarazi duen partaidetza prozesua. Aurrekontu Irekiak izeneko ekimenarekin, 16 urtetik gorako gipuzkoarrek beraien lehentasunak zehaztu eta ekarpenak egiteko aukera dute, esku-orriak betez ala Interneten (Gipuzkoa.eus/partaidetza), urriaren 14ra arte. Horrekin batera lurralde osoko 16 udalerritan informazio karpa jartzen dihardu Aldundiak,larunbatean Triangelu plazan egin bezala. Karpara herritar ugari gerturatu zen informazioa jaso eta Aldundiaren politikei eta proiektu zehatzei buruzko ekarpenak egiteko.

Bisitarekin batera, Imanol Lasa, Gobernantza eta Gizartearekiko Komunikazioko diputatua Olatz Peon alkatearekin batzartu zen.Jasotako ekarpen guztiak batu eta aztertu egingo ditu prozesuaren amaieran Aldundiak, aurrekontu proposamenarekin batera aurkeztuko duen memoria batean, eta kontu emango da onartu diren ekarpenei buruz, zergatiak azalduz.

Aurrekontu Irekietan parte hatzeko epea urriaren 14an amaituko da, esan bezala. Datorren astean beste hainbat herritan jarriko da karpa, besteak beste Oñatin astelehenean, Foruen Plazan, eta Bergaran asteartean, San Martin plazan; bietan, 10:00etatik 13:00etara eta 15:30etik 19:00etara.

Temas

Recibe nuestras newsletters en tu email

Apúntate