Teresa Agirrezabalak 100 urte bete ditu senideez inguratuta

Teresa Agirrezabala, Unai Iraola alkatearekin. /
Teresa Agirrezabala, Unai Iraola alkatearekin.

GOIKOETXEA ALEGIA.

Teresa Agirrezabalak 100 urte bete zituen pasa den urtarrilaren 1ean, eta urtemuga hain seinalatua behar den bezala ospatzeko senideek eta hurbilekoek ospakizun berezia prestatu zioten herenegun arratsaldean Lazkaoko Txindoki egoitzan, Teresa egun bizi den tokian. Seme-alabak, senideak, gertukoak, egoitzan bizilagun dituenak eta bertako langileak ere izan ziren festan. Teresa 1918ko urtarrilean jaio zen Bedaion baina bere bizitzako urterik gehienak Alegian eman ditu.

Egoitzako langileek eman zioten hasiera ekitaldiari, eta Teresaren bizitzaren errepasoa egin zuten. «Gazterik alargundu zen, sekulako adorea izan du bost seme-alabarekin aurrera egiteko, eta Alegian egin duen lana ordainezina da», azpimarratu zuten.

Ondoren, Teresaren birbilobek bi abesti eskaini zituzten gitarra eta tronpetarekin, Teresarekin harreman estua izan duten herritar batzuek kantuan lagunduta. Ondoren, senideen, egoi-tzako bizilagunen eta langileen eta Alegiako Udalaren opariak jaso zituen. Unai Iraola alkatea eta Agurtzane Lopetegi gizarte langilea bertaratu ziren Udalaren eta alegiarren izenean.

Contenido Patrocinado

Fotos

Vídeos