San Sebastian ermitan bihar konplituko da urteroko festa Seguran

San Sebastian eguneko ospakizunak igande goizean kon-plituko dira Seguran, beti bezala urtarrilaren 20ari jarraitzen dion igandean. Santuaren oroimenez eraikitako antzinako San Sebastian ermitak igandean bereganatuko du bereziki protagonismoa, Zubi-Berriko elizatxoan goizean egingo den jaiarekin. Mendeetan jarraitzen den tradizioa berrituko da, Gipuzkoan hain famatuak diren santu honen ohorezko jaiak Seguran ere baduelako bere tokitxoa. Eguerdiko 12:00etan emango da meza ermitan eta, urtean zehar auzoan hildakoen alde ematen den elizkizuna bukatutakoan, Udalaren laguntzaz auzokoek eskaintzen duten hamaiketakoa dastatzeko aukera izango dute bertaratzen direnek.