Santo Tomas eguna ospatu zuten Ugaro eskolako ikasleek

Gabon egitarauan murgildu ziren atzo Legorretan Santo Tomas eguneko ospakizunekin. Goizean txorizo ogitartekoak banatu ziren haurrentzako pilotalekuan eta segidan jokoak antolatu ziren. Haurrek ederki pasa zuten potean, igelean eta beste hainbatean jolasetan. Eguerdian Ugaroko ikasleek, Elekun abesbatzarekin batera, euskal abesti herrikoiak abestu zituzten, besteak beste, 'Mendian Gora', 'Trapu zaharrak' eta 'Hegoak ebaki banizkio'. Guraso eta herritar ugari elkartu ziren pilotalekuan emanaldia entzuteko eta gogoz txalotu zuten abesti bakoitza.