Santiburtzio jaiak gaur hasiko dira Leitzan asteartera arte

Abel Barriola eta Oinatz Bengoetxea prest gaur arratsaldean txupina pizteko.
Abel Barriola eta Oinatz Bengoetxea prest gaur arratsaldean txupina pizteko. / DV

Goizeko 11:30ean kuadrileen arteko herri kirol desafioa iragarrita dago. Arratsaldeko 6etan piztuko dute suziria Abelek eta Oinatzek

E.B. LEITZA.

Leitzako Santiburtzio jaiei gaur emango diete hasiera Leitzan. Txupina arratsaldeko 6etan piztuko dute Abel Barriola eta Oinatz Bengoetxea pilotariek. Aldez aurretik , ekitaldiak antolatu dituzte plaza inguruan. Esaterako goizeko 11:30ean kuadrileen arteko herri kirol desafioa izango da.

Ohi modura herriko gazteek soka-tiran, aizkoran, harrijasotzen, lasterka, lokotx biltzen eta bestelako probetan parte hartuko dute plazan bildutako ikusleen aurrean. Lehia gogorra izaten ohi da herriko neska-mutileen artean ez baitu inork amorerik eman nahi izaten desafio herrikoia izan arren.

Ondoren, arratsaldeko 13:00 Elkartasun manifa iragarrita dago. 13:30ean berriz, jubilatuen bazkaria egongo da. Arratsaldeko 14:00etan berriz, Herri bazkaria izango da udaletxeko karrapen musikaz alaiturik.

Ohi bezala, arratsaldeko 18:00etan piztuko da jaiei hasiera emango dien txupinazoa et aondoren, Plazaola aldizkariko azalaren saria banatuko da. Ondoren, Incansables txaranga, txistuariak, erraldoiak, gaiteroak eta buruhandiak aterako dira giroa alaitzeko. Aurrerako atarian musika emanaldia egongo da bitartean. Iluntzeko 21:30ean, suzko zezena aterako da. Gaueko 23:00etan Tximeleta taldearen emanaldia egongo da plazan eta herrian barna Incansables txaranga ibiliko da giroa alaitzen.

Ezpatadantzarien saioa

Bihar, San Tiburtzio egunean, jaietako egun handian, goizeko 8:00etako txistularien diana eta gero, en-tzierroa eta behiak plazan egongo dira. 10:30ean, hamaiketakoa irekia egongo da udaletxeko karrapean. 11etan Meza Nagusia egongo da herriko parrokian. Eguerdiko 12:00etan, San Tiburtzio jaietako une berezienetakoa biziko da Aurrera dan-tza taldeko ezpatadantzarien saioa izango baita plazan.

Ondoren, afizionatu arteko pilota partidak izango dira plazan bertan. Herrian barna Incansables txaranga ibiliko da.

Arratsaldean, Leitzeko bertsolari eskolako kideak kantari arituko dira Aurrerako atarian. Ordubete beranduago zezenak aterako dituzte plazan adar aurrean jartzen diren lagun guztientzat.

Gero, Herri kirol erakustaldia antolatu dute. Bertan, Jon rekondo eta Ruben Saralegi eta Aitor Atutxa eta Ugaitz Mugertza aizkolariak arituko dira nor baino nor. Gero, Patxi Astibia (74 urte)eta Enrique Bildarratz (81 urte) erakustaldia egingo dute. Harrijasotzen Inaxio Perurena arituko da.

Gero, goxokiak banatuko dira udaletxeko balkonetik umeentzat, Incansables txaranga aterako da eta buruhandiak han eta hemen ibiliko dira. Iluntzeko 9etan, Leitzeko Ingurutxoa dantzatzeko aukera izango du nahi duneak. Ondoren, suzko zena aterako da eta gau aprtean Laiotz taldearekin dantzaldia egongo da.

Fotos

Vídeos