Sagardo eguna izango da larunbatean Leitzan

E.B. LEITZA.

Herriko plazan, sagardo dastaketa, pintxoak eta askoz gehiago egongo da larunbat honetan. Arratsaldeko 7etan hasiko da eta hauek dira dastatu ahal izango diren sagardoak: Oiarbide, Astarbe, Calonge, Eleutxeta, Izeta, Lizeaga, Oiharte, Oianume, Urdaira, Petritegi, Satxota, Zabala, Gartziategi, Barkaiztegi, Oialumezar, Olaizola, Arratzain, Isastegi, Martitxonea, Toki Alai.

Azal lehiaketa

Hilaren 22a bitarte aurkez daitezke Plazaola aldizkariko azal lehiaketako lanak Aurreran edo Maimurren.16 urtetik beherakoen lanek «Plazaola - Leitzako aldizkaria - 40.zenbakia» testua beharko dute; 16tik gorakoek «Leitza 2018 - Tiburtzio Donearen Pestak - 40.zenbakia». Azalak ez ezik, testuak prestatzen hasteko garaia ere iritsi denez Aurrera Kultur Elkarteak sormen lanak beren emailera bidaltzeko deia egin dute (aurrerake@hotmail.com). Horrela bada, herritarrei burutazioak, kezkak, istorioak, txisteak, aldarrikapenak, olerkiak, eskertzak, ateraldiak, bertsoak edota bestelako sormen lanak bidaltzeko deia ere luzatu diete. Testuak aurkezteko azken eguna hilaren 30a, izango da.

Contenido Patrocinado

Fotos

Vídeos